Canta ll'auciello dint' 'a casa antica
Addó' primma cantave pure tu.
E sento pure 'a voce 'e n'ata amica
Ca mme cunziglia 'e nun te penzà cchiù.
Carmè',
Si aggio lassato a mamma mia pe' te,
Si t'hê pigliato 'a primma giuventù,
Pecché nun tuorne a me?
Mme pare ca è cagnata 'sta fenesta
La dó' vuttaste 'o primmo sciore a me.
E n'ata rosa, 'a dint'a n'ata testa,
mo mme cunziglia 'e nun te penzà cchiù.
Carmè',
Si aggio lassato a mamma mia pe' te,
Si t'hê pigliato 'a primma giuventù,
Pecché nun tuorne a me?
E passa 'a notte, passa 'o juorno, 'a sera,
Ma stu turmiento mio nun vò' passà.
Passa pure 'sta luna che è sincera
Si mme cunziglia sempe 'e te scurdà.
Carmè',
Si aggio lassato a mamma mia pe' te,
Si t'hê pigliato 'a primma giuventù,
Pecché nun tuorne a me?
compositores: GIAN CARLO CHIARAMELLO
Você é fã de Enrico Caruso? Gosta da letra da música?
Compartilhe com seus amigos.
Ouvir músicas
