'Na sera 'e maggio (Remastered 1995)
Quanno vien'a 'appuntamento,
guarde 'o mare, guarde 'e ffronne.
Si te parlo, nun rispunne,
staje distratta comm'a che.
Io te vengo dint' 'o core,
songo sempe 'nnammurato.
Ma tu invece pienze a n'ato,
e te staje scurdanno 'e me...
Quanno se dice: "Sì,"
tienelo a mente...
Nun s'ha da fa murì nu core amante...
Tu mme diciste: "Sì," 'na sera 'e maggio...
E mo tiene 'o curaggio 'e mme lassà!
St'uocchie tuoje nun só sincere
comm'a quanno mme 'ncuntraste,
comm'a quanno mme diciste:
"Voglio bene sulo a te."
E tremmanno mme giuraste,
cu na mano 'ncopp' 'o core:
"Nun se scorda 'o primmo ammore!"
Mo te staje scurdanno 'e me.
Quanno se dice "Sì,"
tiènelo a mente.
Nun s' ha da fá murì nu core amante.
Tu mme diciste "Sì," na sera 'e maggio,
e mo tiene 'o curaggio 'e mme lassà!
compositores: Egidio Pisano
Você é fã de Mario Lanza? Gosta da letra da música?
Compartilhe com seus amigos.
Ouvir músicas